Como xa se veu adiantando neste blogue, a
Asociación Veciñal A Trabe de Ponte organizou diversas actividades neste outono. Todo comezaba o pasado
28 de setembro. Como remate das festas patronais, A Trabe organizou as
III Melodías de Outono, concerto no que participaron as bandas Infantil e Xuvenil de Silleda. Esta interpretou pezas coas que gañaría o 1º premio no Certame Provincial de Bandas e o 2º no Galego.
![](https://blogger.googleusercontent.com/img/b/R29vZ2xl/AVvXsEiJ1kYSXWh-jF2GYUQyGiOwvAKSKDPdYSnhYf33wBIvDgS3cHKmZKChnaAlzNQQxXU6fdGwykgOipKwLseTrZMcoWuWkMu1vZq4UX7FTvgtNufVjX-g733MiouiLUzfJwOAmCE59uQSNps/s1600/siador-ponte+(1).jpg) |
Intre da actuación da Banda Infantil // Faro de Vigo |
O día
18 de outubro foi a noite de teatro. Nesta ocasión, foi a compañía teatral
Fervelleasverzas de Moraña a que sorprendeu ao público coa posta en escena da obra "
A arte que fixo pub".
![](https://blogger.googleusercontent.com/img/b/R29vZ2xl/AVvXsEggLf6IH36Pr-N13YGWtblPzSgjkaWY8_5FPwuctqWZV1favSe6gkJxwZkULAd-lW-dXIJLILJ6osucmeqJA7P5oB7QA1yUt0FTsJJmy2Aq-MsdxWzxatF80jhq2FuL5vAwB7e8y8zJJqM/s1600/DSC_0348.jpg) |
Instante durante a obra // D. F. |
O sábado seguinte,
o día 25,
Darío Autrán regresou a Ponte cun novo proxecto: a webserie "
Artemia", na que, igual que o ano pasado en "Tilda & Jean", participaba o noso veciño José Montoto. Tamén lle regalou aos asistentes un fragmento da que fora a súa primeira película "Orxo"
![](https://blogger.googleusercontent.com/img/b/R29vZ2xl/AVvXsEh6IV25f01xUdxMpxmmtxYQ0qfuOs2O0jOAscBrAcK_rla20iPBC6y7uZ5TcoHDxjhe7skBS6b6s-nyyTnEDP3EjNzvMb_9EfX0EcTVaeJLXOPd0l50FooTpKfRg9_UFPJ_vx_96DXkr5s/s1600/DSC_0351.jpg) |
José e Darío presentando a webserie // D.F. |
E para rematar o outono, que menos que un
magosto, como foi o que organizou A Trabe conxuntamente coa
Yeguada Tras do Balo. Esta cita congregou a 52 persoas arredor das castañas na planta baixa do local social.
![](https://blogger.googleusercontent.com/img/b/R29vZ2xl/AVvXsEg8v6-LeACiEtWqK7RVyHk2J-UnRpg_kACWDPZpcPUzDP3LNWTbIEjaRAGk7FfprvjvFvP6GjkGREM-7TmN4tiKFGnwcwZ_qhUw0XULXJRVrqpK0axz4chxCpPu9w9tKC3mJJKV7DEg6pg/s1600/IMG-20141117-WA0004%5B1%5D.jpg) |
Momento da cea do magosto // M. R. |